Lao

Login Form



ຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterມື້ນີ້47
mod_vvisit_counterມື້ວານ38
mod_vvisit_counterອາທິດນີ້91
mod_vvisit_counterອາທິດແລ້ວນີ້368
mod_vvisit_counterເດືອນນີ້902
mod_vvisit_counterເດືອນແລ້ວນີ້2225
mod_vvisit_counterລວມທັງຫມົດ83965

Online (20 minutes ago): 3
Your IP: 54.166.150.10
,
Today: ຕ. ລ. 17, 2017

Who's Online

ເຮົາມີ 60 ບຸກຄົນທົ່ວໄປ ອອນໄລນ
ຂ່າວ: ວຽກ​ງານ​ປະຊາສຳພັນ​ພິສູດ​ຫລັກ​ຖານ​ເພື່ອ​ຂື້ນທະບຽນ​ອອກ​ໃບ​ຕາດິນ PDF ພິມ ອີເມລ
ຂຽນໂດຍ ນ. ກໍ່າແກ້ວ ຫຼ້າດວງສີ   
ມື້ຈັນທີ່ 08 ມິຖຸນາ 2015 ເວລາ 13: 37

​          ໃນຕອນເຊົ້າຂອງ​ວັນ​ທີ 26 ພຶດສະພາ 2015 ຜ່ານ​ມາ​ນີ້ ພຊສ ​ໂດຍ​ແມ່ນ​ຂະ​ແໜງ​ຄຸ້ມ​ຄອງ​ທີ່​ດິນ ແລະ ຂະແໜງຂໍ້ມູນ - ຂ່າວສານ ​ໄດ້​ປະສານ​ສົມທົບ​ກັບ ຫ້ອງການ ຊສ ​ເມືອງ​ຫຼວງ​ນ້ຳ​ທາ ​ພ້ອມກັນ​ເປີດ​ກອງ​ປະຊຸມ ປະຊາສຳພັນ​ວຽກ​ງານ ພິສູດ​ຫລັກ​ຖານ​ເພື່ອ​ຂື້ນ​ທະບຽນ​ອອກ​ໃບ​ຕາດິນ​ຂື້ນ​ທີ່​ຫ້ອງການ​ບ້ານໆ​ນໍ້າທຸງ ​ເມືອງ​ຫຼວງ​ນ້ຳ​ທາ ​ໂດຍການເປັນປະທານຂອງ​ທ່ານ ໄໝ່ຜາຍ ພົມຍາລິດ ນາຍບ້ານໆ​ນໍ້າທຸງ ​ແລະ ທ່ານ ຄຳພັນ ບຸນວົງ ຫົວໜ້າ ຂະແໜງຄຸ້ມຄອງທີ່ດິນແຂວງ ມີ​ທີ​ມງານວິຊາການ​ປະຊາສຳພັນ​ຂັ້ນ​ແຂວງ ​ແລະ ເມືອງ​ຫຼວງ​ນ້ຳ​ທາ ຕະຫຼອດ​ຮອດ​ພໍ່​ແມ່​ປະຊາຊົນ​ເຂົ້າ​ຮ່ວມ 76 ທ່ານ, ຍິງ 56 ທ່ານ.

 

ກອງ​ປະຊຸມ​ໄດ້​ອະທິບາຍ ຊີ້​ແຈງ​ບັນຫາ​ກ່ຽວ​ກັບ​ວຽກ​ງານ​ອອກ​ໃບ​ຕາດິນ, ຄຸນ​ປະ​ໂຫຍ​ດຂອງ​ໃບ​ຕາດິນ, ການ​ພິສຸດ​ຫລັກ​ຖານຂື້ນ​ທະບຽນ​ອອກ​ໃບ​ຕາດິນ, ການ​ກະກຽມ​ເອກະສານ​ຄົນ, ​ເອກະສານ​ດິນ, ໜ້າ​ທີຂອງ​ເຈົ້າ​ຂອງ​ສິດ​ນຳ​ໃຊ້​ທີ່​ດິນ, ກຳນົດ​ເວລາ ​ໃບ​ຕາດິນ​ສຳ​ເລັດ, ບົດບາດ ຍິງ-​ຊາຍ​ໃນ​ການ​ອອກ​ໃບ​ຕາດິນ ​ແລະ ອື່ນໆ​ທີ່​ພົວພັນ​ວຽກ​ງານ​ພິສູດ​ຫລັກ​ຖານ​ເພື່ອ​ ອອກ​ໃບ​ຕາດິນ​ໃຫ້​ແກ່​ປະຊາຊົນ​ໄດ້​ຮັບ​ຮູ້ເຊື່ອມຊືມ ​ແລະ ​​ໄດ້​ທຳ​ຄວາມ​ເຂົ້າ​ໃຈກ່ອນ​ໜ່ວຍ​ງານ​ວັດ​ແທກ​ພິສູດຫຼັກຖານຈະ​ລົງ​ມາ.

ຕອນ​ທ້າຍ​ ຂອງ​ກອງ​ປະຊຸມ​ໄດ້​ເປີດ​ໂອກາດ​ໃຫ້​ແກ່​ປະຊາຊົນ​ໄດ້​ມີ​ຄຳ​ຖາມ ຂໍ້​ຂ້ອງ​ໃຈ​ກ່ຽວ​ກັບ​ວຽກ​ງານ​ດັ່ງ ກ່າວ​ເພື່ອ​ແລກປ່ຽນ​ບົດຮຽນ​ເຊີ່ງ​ກັນ ​ແລະ ກັນ ​ໄດ້​ຍົກ​ເອົາ​ບັນຫາ​ທີ່​ມັກ​ເກີດ​ຂື້ນ ພາຍ​ໃນ​ບ້ານຂອງ​ຕົນ ​ນອກຈາກນີ້​ທາງ​ທີ​ມງານ​ຂອງ​ພວກ​ເຮົາ​ກໍ່​ໄດ້​ຕອບ​ຂໍ້​ຂອ້ງ​ໃຈ ​ແລະ ບັນຫາ​ຕ່າໆ ​ໃຫ້​ແກ່​ພໍ່​ແມ່ປະຊາຊົນ​ໄດ້​ຮັບ​ຮູ້ ​ແລະ ​ເຂົ້າ​ໃຈ​ໄດ້​ເປັນ​ຢ່າງ​ດີ.

ກອງ​ປະຊຸມ ​ໄດ້​ປິດ​ລົງ​ໃນ​ຕອນ​ເຊົ້າ ​ຂອງ​ວັນ​ດຽວດ້ວຍ​ຜົນສຳ​ເລັດອັນ​ຈົບງາມ.

 

LAST_UPDATED2