ໃນຕອນເຊົ້າຂອງວັນທີ 20 ຕຸລາ 2021 ຢູ່ທີ່ຫ້ອງປະຊູມ ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ ເມືອງສິງ ໄດ້ຈັດກອງປະຊຸມການປະເມີນຜົນຕິລາຄາຄູນນະພາບສະມາຊິກພັກ ແລະ ປະເມີນໜ່ວຍພັກ ປອດໄສ ເຂັ້ມແຂງ ໜັກແໜ້ນ ສະໄໝທີ IV, ຮອບທີ IV, ປະຈໍາປີ 2021,  ໃຫ້ກຽດເຂົ້າຮ່ວມມີ ເປັນປະທານໂດຍ ສະຫາຍ ສີນທະລາ ຊົມພູວິເສດ ກໍາມະການປະຈໍາພັກເມືອງ ຫົວໜ້າຄະນະຈັດຕັ້ງເມືອງ, ສະຫາຍ ສົມລິດ ພອນປະເສີດ ກໍາມະການປະຈໍາພັກເມືອງ ຮອງເຈົ້າເມືອງ ຜູ້ຊີ້ນໍາວຽກງານຂົງເຂດເສດຖະກິດ, ສະຫາຍ ຄໍາແສງ ແດງທາສິງ ກຳມະການພັກເມືອງ ເລຂາໜ່ວຍພັກ, ຫົວໜ້າຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ, ມີຄະນະໜ່ວຍພັກ, ມີຄະນະກໍາມະການປະເມີນຜົນຂັ້ນເມືອງ ແລະ ພ້ອມດ້ວຍສະມາຊິກພັກພາຍໃນໜ່ວຍດັ່ງກ່າວເຂົ້າຮ່ວມ ທັງໝົດ 22 ສະຫາຍ, ຍິງ 5 ສະຫາຍ.

     ໃນກອງປະຊຸມ ສະຫາຍ ຄໍາແສງ ແດງທາສິງ ກຳມະການພັກເມືອງ ເລຂາໜ່ວຍພັກ, ຫົວໜ້າຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງ ໄດ້ຂື້ນຜ່ານບົດສໍາຫຼວດການນໍາພາລວມຂອງຄະນະໜ່ວຍພັກ ພາຍໃນໜ່ວຍພັກມີເລຂາໜ່ວຍພັກ, ຄະນະໜ່ວຍພັກ ແລະ ສະມາຊິກພັກສົມບູນທັງໝົດ 19 ສະຫາຍ, ຍິງ 5 ສະຫາຍ. 1 ປີຜ່ານມາ ມີຈຸດດີ, ຈຸດອ່ອນ, ຂໍ້ຄົງຄ້າງ ແລະ ວີທີການແກ້ໄຂໃນຕໍ່ໜ້າ; ພ້ອມດຽວກັນນັ້ນ ສະຫາຍ ອາລຸນກອນ ທອງປະດິດ ຄະນະໜ່ວຍພັກ ໄດ້ຜ່ານຮ່າງບົດປະເມີນໜ່ວຍພັກປອດໄສ ເຂັ້ມແຂງ ໜັກແໜ້ນ ແລະ ທິດທາງແຜນການໃນ 1 ປີຕໍ່ໜ້າ, ພ້ອມນັ້ນ ສະມາຊິກພັກພາຍໃນໜ່ວຍພັກ ໄດ້ປະກອບຄໍາຄິດເຫັນຢ່າງກົງໄປກົງມາ ໃສ່ບົດສໍາຫຼວດການນໍາພາລວມ ແລະ ບົດປະເມີນໜ່ວຍພັກປອດໄສ ເຂັ້ມແຂງ ໜັກແໜ້ນ ແລະ ທິດທາງແຜນການໃນຕໍ່ໜ້າ. ໂອກາດດຽວກັນນີ້ ສະມາຊິກພັກທຸກສະຫາຍ ກໍ່ໄດ້ຜັດປ່ຽນກັນຂື້ນຜ່ານບົດສໍາຫຼວດຕົນເອງ ພ້ອມທັງແລກປ່ຽນຄໍາຄິດເຫັນ, ຕໍານີຕິຊົມສົ່ງຂ່າວ, ກໍ່ສ້າງຊ່ວຍເຫຼືອເຊີ່ງກັນ ແລະ ກັນ. ນອກຈາກນີ້ ໃນກອງປະຊຸມ ໄດ້ຜ່ານມາດຖານການປະເມີນສະມາຊິກພັກ ແລະ ມາດຖານໜ່ວຍພັກ ແລະ ປະເມີນໃຫ້ຄະແນນເຊິ່ງກັນແລະກັນ.

     ຕອນທ້າຍກອງປະຊູມຍັງໄດ້ຮັບຟັງການໂອ້ລົມຂອງ ສະຫາຍ ສີນທະລາ ຊົມພູວິເສດ ກໍາມະການປະຈໍາພັກເມືອງ ຫົວໜ້າຄະນະຈັດຕັ້ງເມືອງ ເຊີ່ງສະຫາຍໄດ້ຍ້ອງຍໍຊົມເຊີຍຜົງນງານຂອງການຊີ້ນນໍາ-ນໍາພາ ຂອງຄະນະໜ່ວຍພັກ ທີ່ນໍາພາສະມາຊິກພັກ ພະນັກງານຫ້ອງການ ປະຕິບັດໜ້າທີການເມືອງຂອງຕົນ ແລະ ຍາດໄດ້ຜົນງານຫຼາຍດ້ານ ພ້ອມຮຽກຮ້ອງໃຫ້ແຕ່ລະສະຫາຍເອົາໃຈໃສ່ປະຕິບັດຫນ້າທີ່ຂອງຕົນຮັບຜິດຊອບ ເປັນແບບຢ່າງທີ່ດີໃຫ້ແກ່ມະຫາຊົນ ສ້າງຕົນເອງໃຫ້ກາຍເປັນສະມາຊິກພັກແຂງ ແລະ ສ້າງໜ່ວຍພັກຂອງຕົນກາຍເປັນໜ່ວຍພັກ ປອດໃສ ເຂັ້ມແຂງ ໜັກແໜ້ນ ໃນຮອບຕໍ່ໆໄປ, ພ້ອມທັງເອົາໃຈໃສ່ປະຕິບັດຕາມມາດຕະການຕ້ານ ແລະ ສະກັດກັ້ນເຊື້ອພະຍາດໂຄວິດ19 ຕາມທີ່ຂັ້ນເທີງວາງອອກ.