ຕອນແລງ ຂອງວັນທີ  4 ຕຸລາ 2021 ຜ່ານມານີ້ ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ ເມືອງວຽງພູຄາ ໄດ້ເປີດກອງປະຊຸມສະຫຼູບຕີລາຄາການເຄື່ອນໄຫວຈັດຕັ້ງປະຕິບັດໜ້າທີວຽກງານປະຈໍາ 9 ເດືອນ ແລະ ວາງທິດທາງແຜນການ 3 ເດືອນ ທ້າຍປີ2021 ຂອງຕົນຂື້ນ ທີຫ້ອງປະຊຸມຫ້ອງການ  ຊັບພະຍາກອນທໍາມະຊາດ ແລະ ສິ່ງແວດລ້ອມ ໂດຍການເປັນ  ປະທານຂອງ ທ່ານ ວົງແກ້ວ ອຸນທະແສງ ກໍາມະການພັກເມືອງ ຫົວໜ້າ    ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງວຽງພູຄາ, ມີບັນດາທ່ານ  ຮອງຫົວໜ້າຫ້ອງການ, ຫົວໜ້າໜ່ວຍງານ, ຮອງຫົວໜ້າໜ່ວຍງານ ແລະ ພະນັກງານວິຊາການເຂົ້າຮ່ວມຈໍານວນ 14 ທ່ານ, ຍິງ 2 ທ່ານ.

              ໃນກອງປະຊຸມດັ່ງກ່າວ ທ່ານ ຈັນທີ ແສງມະນີຕ່ອມ ຮອງຫົວໜ້າໜ່ວຍງານບໍລິຫານຫ້ອງການ ໄດ້ແຜນບົດສະຫຼູບການຈັດຕັ້ງເຄື່ອນໄຫວ ວຽກງານປະຈໍາ 9 ເດືອນຕົ້ນປີ ເຊິ່ງປະຕິບັດຄື:

- ວຽກງານລາຍຮັບວິຊາການສາມາດປະຕິບັດການຈົດຮັບຈົດຈ່າຍໄດ້:79.142.500 ກີບ ເທົ່າກັບ 72% ຂອງແຜນການປີ.

-ວຽກງານລາຍຮັບບໍລິຫານປະຕິບັດໄດ້: 225. 289. 806 ກີບ

- ວຽກງານເກັບລາຍຮັບຄ່າທໍານຽມມອບເຂົ້າງົບປະມານລັດໄດ້: 21.816.800ກີບ

- ການຂື້ນທະບຽນອອກໃບຕາດິນໄດ້ 397 ຕອນ ປະຕິບັດຕາມແຜນການໄດ້ 72%.

- ອອກໃບຢັ້ງຢືນສິ່ງແວດລ້ອມໄດ້ 8 ກິດຈະການ ປະຕິບັດໄດ້ 40%ຂອງແຜນປີ ແລະ ໄດ້ວາງທິດທາງແຜນການ 3 ເດືອນທ້າຍປີຕື່ມອີກ, ໃນກອງປະຊຸມ ໄດ້ພ້ອມກັນປະກອບຄໍາຄິດຄໍາເຫັນຕໍ່ບົດສະຫຼູບດັ່ງກ່າວຢາງກົງໄປກົງມາ ແລະ ມີເນື້ອໃນຄົບຖ້ວນ ຈາກນັ້ນ ທ່ານ  ຈັນທີ ແສງມະນີຕ່ອມ ຮອງຫົວໜ້າໜ່ວຍງານບໍລິຫານ ແຜນການ ແລະ ຂໍ້ມູນຂ່າວສານ ໄດ້ຜ່ານຂໍ້ຕົກລົງຂອງຫົວໜ້າຫ້ອງການ ສະບັບເລກທີ09/ຫຊສມ, ລົງວັນທີ20 ກັນຍາ 2021 ວ່າດ້ວຍການຊັບຊ້ອນໜ້າທີວຽກງານໃຫ້ຮອງຫົວໜ້າຫ້ອງການ ຊີ້ນໍາວຽກ 2 ໜ່ວຍງານຄື:

ທ່ານ ອຸນເຮືອນ ແພງສະຫວັດ ຮອງຫົວໜ້າຫ້ອງການລົງເລິກຊີ້ນໍາວຽກງານບໍລິຫານ, ແຜນການ ແລະ ຂໍ້ມູນຂ່າວສານຂອງຫ້ອງການ, ທ່ານ ໂຢງ ອິນຕອງ  ຮອງຫົວໜ້າຫ້ອງການລົງເລິກຊີ້ນໍາວຽກງານວິຊາການຂອງຫ້ອງການ.

         

          ຕອນທ້າຍ ກອງປະຊຸມຍັງໄດ້ໃຫ້ກຽດຮັບຟັງການໂອ້ລົມຂອງ ທ່ານ ວົງແກ້ວ ອຸນທະແສງ ກໍາມະການພັກເມືອງ ຫົວໜ້າຫ້ອງການ ຊສ ເຊິ່ງທ່ານໄດ້ເນັ້ນໜັກບາງບັນຫາ ໃຫ້ເອົາໃຈໄສ່ຕໍ່ໜ້າທີວຽກງານວິຊາສະເພາະ ມີຄວາມສາມັກຄີພາຍໃນ ແລະ ພາຍນອກ ດຸໜັ້ນສືກສາຮໍ່າຮຽນ, ຄົ້ນຄວ້າບັນດາກົດໝາຍ, ນິຕິກໍາ ແລະ ມະຕິ, ຄໍາສັ່ງແນະນໍາຕ່າງໆ ການເຮັດວຽກງານແບບລວມສູນຢາງເປັນປະຊາທິປະໄຕ ແລະ ຄວາມເປັນເອກະພາບຕາມທິດຫົວໜ້າດຽວ ບໍລິຫານປະຊາຊົນ ແລະ ຮັບໃຊ້ດ້ວຍຄວາມໂປງໄສ ຕາມການມອບໝາຍຂອງ ຂັ້ນເທິ່ງວາງອອກ, ເພື່ອນໍາໃຊ້ເຂົ້າໃນການຈັດຕັ້ງປະຕິບັດວຽກງານໃນຕໍ່ໜ້າໃຫ້ປາກົດຜົນເປັນຈິງ.

          ກອງປະຊຸມໄດ້ດໍາເນີນເປັນເວລາ ໜື່ງຕອນ ແລະ ສໍາເລັດຕາມຈຸດປະສົງເປົ້າໝາຍ.