ໃນຕອນແລງ ຂອງວັນທີ 13 ສິງຫາ 2021 ທີ່ຜ່ານມານີ້ ຄະນະພັກຮາກຖານພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງຫຼວງນ້ຳທາ ໄດ້ຈັດພິທີ ເລື່ອນສະມາຊິກພັກສຳຮອງຂື້ນສົມບູນ, ເປັນປະທານໂດຍ ສະຫາຍ ສົມຫັວງ ນາບຸນແພງ ເລຂາຄະນະພັກຮາກຖານ, ຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ, ມີບັນດາສະຫາຍ ເລຂາ-ຮອງເລຂາ 4 ໜ່ວຍພັກຂື້ນກັບຄະນະພັກຮາກຖານ ພຊສ ແລະ ມີບັນດາສະຫາຍຕາງໜ້າອົງການຈັດຕັ້ງມະຫາຊົນພາຍໃນ ພຊສ ຕະຫຼອດຮອດສະມາຊິກພັກສົມບຸນ ແລະ ສຳຮອງຂອງ 3 ໜ່ວຍພັກ ທີ່ກ່ຽວຂ້ອງ ເຂົ້າຮ່ວມທັງໝົດ 40 ສະຫາຍ, ຍິງ 15 ສະຫາຍ. 

     ພິທີດັ່ງກ່າວ ສະຫາຍ ສວນນາລິນ ຕ໋ອມພູວັນ ຮອງເລຂາໜ່ວຍພັກທີ່ດິນ-ຕິດຕາມກວດກາ ໃນນາມຄະນະຈັດຕັ້ງພິທີ ໄດ້ຜ່ານມະຕິຕົກລົງ ຂອງສະຫາຍ ເລຂາພັກແຂວງ ວ່າດ້ວຍການເລື່ອນສະມາຊີກພັກສໍາຮອງຂື້ນເປັນສົມບຸນ ສະບັບເລກທີ 57  /ຄປພຂ, ລົງວັນທີ 29 ກໍລະກົດ 2021.

      ສະມາຊິກພັກສຳຮອງທີ່ໄດ້ຮັບເລື່ອນຂື້ນເປັນສົມບຸນ ຄັ້ງນີ້ມີ 5 ສະຫາຍ, ຍິງ 4 ສະຫາຍ ຄືດັ່ງລຸ່ມນີ້:

  1. ສະຫາຍ ສີຈັນ ແກ້ວອິນ, ຈາກໜ່ວຍພັກທີ່ດິນ-ຕິດຕາມກວດກາ.
  2. ສະຫາຍ ນາງ ປະທຸມພອມ ຈັນທະວົງສາ, ຈາກໜ່ວຍພັກຈັດຕັ້ງ-ບໍລິຫານ.
  3. ສະຫາຍ ນາງ ໜອມແກ້ວ ສາຍລຸນມີ, ຈາກໜ່ວຍພັກຈັດຕັ້ງ-ບໍລິຫານ.
  4. ສະຫາຍ ນາງ ແສງຄຳ ບຸນປະເສີດ, ຈາກໜ່ວຍພັກສິ່ງແວດລ້ອມ-ນ້ຳ.
  5. ສະຫາຍ ນາງ ມີນາ ສຸລິເປົາ, ຈາກໜ່ວຍພັກສິ່ງແວດລ້ອມ-ນ້ຳ.

      ເປັນກຽດມອບມະຕິຕົກລົງຮັບເອົາສະມາຊິກພັກສົມບູນຄັ້ງນີ້ໂດຍ ສະຫາຍສົມຫວັງ ນາບຸນແພງເລຂາຄະນະພັກຮາກຖານ, ຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແລະ ສະຫາຍ ຍັງໄດ້ໂອ້ລົມຊີ້ທິດເຍືອງທາງໃຫ້ກັບ ສະມາຊິກພັກທັງໝົດ ກ່ຽວກັບການຈັດຕັ້ງປະຕິບັດກົດລະບຽບຂອງພັກໃຫ້ເຂັ້ມງວດພ້ອມກັນຜັນຂະຫຍາຍຈັດຕັ້ງປະຕິບັດໃຫ້ປະກົດຜົນເປັນຈິງ, ສະມາຊິກພັກສົມບູນໃໝ່ກໍ່ໄດ້ຂື້ນຮັບຄຳໂອ້ວາດຕັກເຕືອນຈາກຂັ້ນເທິງ ແລະ ໃຫ້ຄຳໝັ້ນສັນຍາປະຕິຍານຕົນຕໍ່ພັກຕໍ່ພິທີວ່າ ຈະນຳເອົາທິດທາງດັ່ງສະຫາຍເລຂາກ່າວມານັ້ນນຳໄປສູ່ພຶດຕິກຳຕົວຈິງໃຫ້ໄດ້ຮັບຜົນດີ.