ໃນຕອນເຊົ້້າຂອງວັນທີ 30 ສິງຫາ 2021 ຜ່ານມານີ້ ພະແນກຊັບພະຍາ ກອນທຳມະຊາດ ແລະ ສິ່ງແວດລ້ອມ "ພຊສ" ແຂວງຫຼວງນໍ້າທາ, ໄດ້ຈັດພິທີມອບ-ຮັບໃບຢັ້ງຢືນ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ຮອບທີ III, ຄັ້ງທີ III ຂອງ 4 ໜ່ວຍພັກທີ່ຂຶ້ນກັບຄະນະພັກຮາກຖານ ພຊສ ແຂວງຢູ່ທີ່ ທີ່ຫ້ອງປະຊຸມຂອງໂຮງຮຽນການເມືອງ-ການປົກຄອງແຂວງ, ຊຶ່ງປະກອບມີ:

     ໜ່ວຍພັກແຜນການ-ກວດກາ, ໜ່ວຍພັກ ທີ່ດິນ-ຕິດຕາມ ແລະ ໜ່ວຍພັກຈັດ ຕັ້ງ-ບໍລິຫານ ແລະ ໜ່ວຍພັກ ສິ່ງແວດ ລ້ອມ-ຊັບພະຍາກອນນໍ້າ. ໂດຍໃຫ້ກຽດເປັນປະທານຂອງ ສະຫາຍ ອ່ອນຈັນ ຄຳພາວົງ ກຳມະການປະຈຳພັກແຂວງ, ຮອງເຈົ້າແຂວງໆ ຫຼວງນໍ້າທາ, ເປັນກຽດເຂົ້າຮ່ວມພິທີດັ່ງກ່າວມີ ສະຫາຍ ສົມຫວັງ ນາບຸນແພງ ເລຂາຮາກຖານ, ຫົວຫນ້າ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ, ຄະນະພັກຮາກ ຖານ, ເລຂາ-ຄະນະຫນ່ວຍພັກທັງ 4 ໜ່ວຍ ພ້ອມດ້ວຍສະມາຊີກພັກສົມບູນ ແລະ ສຳຮອງພາຍໃນ 4 ໜ່ວຍພັກດັ່ງກ່າວເຂົ້າຮ່ວມ, ພ້ອມດ້ວຍແຂກຖືກເຊີນຕາງໜ້າຄະນະຈັດຕັ້ງແຂວງ, ບັນດາໜ່ວຍພັກອ້ອມຂ້າງປະກອບມີ: ໜ່ວຍພັກພະແນກກະສິກຳ-ປ້າໄມ້, ໜ່ວຍພັກພະແນກ ການເງິນ ແຂວງ.

ໃນພິທີດັ່ງກ່າວ ທ່ານ ອັອດ ສິງສະຫວັດ ຮອງເລຂາຄະນະພັກຮາກຖານ, ຮອງຫົວຫນ້າພະແນກຊັບພະຍາກແນທໍາມະຊາດ ແລະ ສິ່ງແວດລ້ອມກໍໄດ້ຜ່ານບົດສະຫຼຸບການເຄື່ອນໄຫວກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຄັ້ງທີ III ຮອບທີ III ປະຈໍາປີ 2020 ແລະ ທິດທາງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ ໜັກແໜ້ນປະຈໍາປີ 2021 ຂອງ 4 ຫນ່ວຍພັກ, ຊຶ່ງໄດ້ສະແດງໃຫ້ເຫັນຜົນສໍາເລັດທີ່ພົ້ນເດັ່ນຫຼາຍດ້ານ ແລະ ສາມາດປະເມີນໄດ້ໜ່ວຍພັກປອດໃສ, ເຂັ້ງແຂງ, ໜັກແໜ້ນຮອດທີ III ປະຈໍາປີ 2020, ພ້ອມທັງວາງທິດທາງແຜນການກໍ່ສ້າງ ໜ່ວຍພັກປອດໃສ, ເຂັ້ມແຂງ ໜັກແໜ້ນ ປະຈໍາປີ 2021 ໃຫ້ໄດ້ຄັ້ງທີ IV ຮອບທີ IV, ນອກຈາກນັ້ນ ຄະນະຈັດຕັ້ງພິທີຍັງໄດ້ຜ່ານຂໍຕົກລົງ ຂອງຄະນະປະຈຳພັກແຂວງ ສະບັບເລກທີ 11/ຄປພທ, ລົງວັນທີ 9 ມີນາ 2021ວ່າດ້ວຍການຮັບຮອງເອົາໜ່ວຍພັກປອດໃສ ເຂັ້ມແຂງ, ໜັກແໜ້ນ ປະຈຳປີ 2020 ແລະ ໃຫ້ກຽດຂື້ນມອບໃບຢັ້ງຢືນໜ່ວຍພັກປອດໃສ ເຂັ້ມແຂງ, ໜັກແໜ້ນ ປະຈຳປີ 2020 ໂດຍ ສະຫາຍ ອ່ອນຈັນ ຄຳພາວົງ ກຳມະການປະຈຳພັກແຂວງ, ຮອງເຈົ້າແຂວງໆ ຫຼວງນໍ້າທາ ໃຫ້ກັບ 4 ໜ່ວຍພັກ ຂື້ນກັບ ຄະນະພັກຮາກຖານ ພຊສ.

 

    ຕອນ​ທ້າຍ​ຂອງ​ພິທີ ສະຫາຍອ່ອນຈັນ ຄຳພາວົງ ກຳມະການປະຈຳພັກແຂວງ, ຮອງເຈົ້າແຂວງໆ ຫຼວງນໍ້າທາ ຍັງໄດ້ມີຄໍາເຫັນໂອ້ລົມຕໍ່ພິທີ, ໂດຍ​ສະຫາຍໄດ້​ເຫນັ້ນ​ໜັກ ​ແລະ ຮຽກຮ້ອງໃຫ້ສະມາຊິກພັກ ຕ້ອງມີແນວຄິດການເມືອງໜັກແໜ້ນ, ເປັນສະມາຊິກພັກທີ່ເຂັ້ມແຂງ, ເປັນແກນນໍາທີ່ກ້າແກ່ນ ​ແລະ ​ເປັນ​ແບບຢ່າງ​ທີ່​ດີ​ໃຫ້​ແກ່​ມະຫາຊົນ. ນອກນີ້ ສະຫາຍຍັງໄດ້ເໜັ້ນໜັກໃຫ້ສະມາຊິກພັກສົມບູນ ແລະ ສໍາຮອງ, ຕະຫຼອດຮອດພະນັກງານຫຼັກແຫຼ່ງພາຍໃນໜ່ວຍພັກຕ້ອງໄດ້ເອົາໃຈໃສ່ຄົ້ນຄວ້າໄຕ່ຕອງ ແລະ ໝຸນໃຊ້ຄວາມຮູ້ຄວາມສາມາດເຂົ້າໃນການຊີ້ພໍາ-ນໍາພາການຈັດຕັ້ງປະຕິບັດໜ້າທີ່ວຽກງານຕາມພາລະບົດບາດ, ສິດ ແລະ ໜ້າທີ່ໃຫ້ມີຄວາມຮັບຜິດຊອບສູງພ້ອມກັນປະຫຍັດ, ມັດທະຫຍັດ ນຳໃຊ້ງົບປະມານຂອງລັດອະນຸມັດໃຫ້ຖືກຕ້ອງດສອດຄ່ອງຕາມເປົ້າໝາຍພ້ອມກັນສ້າງຄວາມສາມັກຄີເປັນຈິດໜື່ງໃຈດຽວກັນ.