ຕອນເຊົ້າຂອງວັນທີ 18/1/2022 ເວລາ 8:30 ນາທີ ທີ່ຜ່ານມານີ້ຢູ່ຫ້ອງປະຊຸມຂອງ ພະແນກຊັບພະຍາກອນທໍາມະຊາດແລະ ສິ່ງແວດລ້ອມ ໜ່ວຍພັກ​ແຜນການ-ກວດກາ, ໜ່ວຍ​ພັກ​ຈັດ​ຕັ້ງ-ບໍລິຫານ, ໜ່ວຍພັກສິ່ງ​ແວດ​ລ້ອມ-ຊັບພະຍາກອນ​ນໍ້າ ​ແລະ ໜ່ວຍ​ພັກ​ທີ່​ດິນ - ​ຕິດຕາມກວດກາ​ໄດ້ຈັດກອງປະຊຸມ ປະເມີນໜ່ວຍພັກປອດ​ໃສ, ​ເຂັ້ມ​ແຂງ, ໜັກ​ແໜ້ນຄັ້ງທີ IV ຮອບ​​​ທີ IVປະຈຳປີ 2021 ແລະ ​ທິດ​ທາງ​ແຜນການກໍ່​ສ້າງ​ໜ່ວຍ​ພັກປອດ​ໃສ, ​ເຂັ້ມ​ແຂງ, ໜັກ​ແໜ້ນ ​ປະຈຳປີ 2022ຂອງຕົນຂື້ນໂດຍການເປັນປະທານ ຂອງສະຫາຍ ອັອດ ສິງສະຫວັດ ຮອງເລຂາຄະນະ​ພັກ​ຮາກ​ຖານພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ, ເປັນກຽດເຂົ້າຮ່ວມ​ຂອງບັນດາສະຫາຍ ຕາງໜ້າ 3 ອົງການຈັດ​ຕັ້ງ​ຂອງພັກ ຂັ້ນແຂວງ, ຄະນະພັກຮາກຖານແລະ ຄະນະໜ່ວຍພັກຂຶ້ນກັບ ພຊສ, ອົງການຈັດຕັ້ງມະຫາຊົນພາຍໃນ ພຊສ, ເຂົ້າຮ່ວມທັງໝົດ 16ສະຫາຍ. ຍິງ6 ສະຫາຍ.

         ວັນທີ 12 ມັງກອນ 2022 ທີ່ຜ່ານມານີ້ ຢູ່ທີ່ ຫ້ອງປະຊຸມ ຫ້ອງວ່າການ ແຂວງຫຼວງນໍ້າທາ ຈັດກອງປະຊຸມປືກສາຫາລື ຜ່ານຮ່າງຄຸ້ມຄອງອ່າງຮັບນໍ້າທາ ໂດຍການເປັນ ປະທານ ຂອງ ທ່ານ ຈັນທະເນດ ບົວລະພາ, ຄະນະປະຈຳພັກ,  ຮອງລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ມີທ່ານ ສົມຫວັງ ນາບຸນແພງ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ພ້ອມດ້ວຍຄະນະ ທີມງານຈາກ ບໍລິສັດອິນໂນວາທີປືກສາ ຈຳກັດ ແລະ ຫົວໜ້າ - ຮອງຫົວໜ້າພະແນກການທີກ່ຽວຂ້ອງຂັ້ນແຂວງ, ພາກສ່ວນກ່ຽວຂ້ອງເຂົ້າຮ່ວມ, ທ່ານ ປອ ສາຍຄໍາ ບຸດທະວົງ ທີປືກສາບໍລິສັດ ອິນໂນວາ ຈໍາກັດ ໃຫ້ຮູ້ວ່າເປັນການຜັນຂະຫຍາຍ ນະໂຍບາຍ ຂອງປະເທດໃນ ການພັດທະນາເສດຖະກິດ - ສັງຄົມຕາມ ທິດສີຂຽວ ແລະ ຍືນຍົງຫຼຸດພົ້ນອອກຈາກປະເທດດ້ອຍພັດທະນາ ແລະ ບັນລຸເປົ້າໝາຍການພັດທະນາແບບຍືນຍົງ.

 

          ​ໃນ​ວັນ​ທີ 29 ທັນວາ 2021 ທີ່ຜ່ານມານີ້ ​ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຫຼວງນ້ຳທາ, ຂະແໜງສິ່ງ​ແວດ​ລ້ອມນໍ້າ, ອຸຕຸນິຍົມ ແລະ ອຸທົກກະສາດ ​ໄດ້​ຈັດກອງ​ປະຊຸມສະຫຼຸບປິດໂຄງການຕິດຕາມກວດກາຄຸນະພາບນໍ້າ ປະຈໍາປີ 2020-2021 ທີ່ຫ້ອງປະຊຸມ ຫຊສ ​ເມືອງ​ນາແລ ​ແຂວງຫຼວງນ້ຳ​ທາ. ​ໂດຍ​ການ​ເປັນ​ປະທານ​ຂອງ​ທ່ານ ສຸກສັນ ພົນປະດິດ ຮອງ​ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ຜູ້ຊີ້ນໍາວຽກງານຊັບພະຍາກອນນໍ້າ, ​ມີຫົວໜ້າ ຄະນະ ຫ້ອງການ ຊສ ​ເມືອງ​ 05 ເມືອງ, ຫົວໜ້າ ຄະນະຂະແໜງສິ່ງ​ແວດ​ລ້ອມນໍ້າ, ອຸຕຸນິຍົມ ແລະ ອຸທົກກະສາດ ພ້ອມດ້ວຍວິຊາການຂັ້ນແຂວງ ແລະ ເມືອງເຂົ້າຮ່ວມທັງໝົດ 15 ທ່ານ, ຍິງ 02 ທ່ານ.

      ໃນວັນທີ 15 ຕຸລາ 2021 ຫາວັນທີ 9 ທັນວາ ປີ 2021 ທີ່ຜ່ານມານີ້  ຄະນະທິມງານ ຂອງພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ນໍາພາໂດຍ ທ່ານ ນ. ບົວລຸນ ເພັດສີຄາມ , ຮອງຫົວໜ້າຂະແໜງ ສິ່່ງແວດລ້ອມ ພ້ອມດ້ວຍວິຊາການຂະແໜງສິ່່ງແວດລ້ອມ ແລະ ຫ້ອງການ ຊັບພະຍາກອນທຳມະຊາດ ແລະ ສິ່ງແວດລ້ອມ ເມືອງ ຫຼວງນ້ຳທາໄດ້ສົມທົບກັບເຈົ້າຂອງກິດຈະການ ລົງກວດກາກ່ຽວກັບການຈັດຕັ້ງປະຕິບັດຄວາມຄືບໜ້າຂອງແຜນຄຸ້ມຄອງ ແລະ ຕິດຕາມກວດກາສິ່ງແວດລ້ອມຂອງບັນດາກິດຈະການ ຢູ່ພາຍໃນເມືອງຫຼວງນ້ຳທາມີຄື: ກິດຈະການປ້ຳນ້ຳມັນ, ສະຖານີລົດໂດຍສານຕ່າງເມືອງ, ສະຖານີໂດຍສານຕ່າງແຂວງ, ໂຮງງານ ຢາງພາລາ, ໂຮງງານນ້ຳດືມ ດອກຈຳປາຂາວ, ສາງຄຽນຖ່າຍສິນຄ້າ ແລະ ໂຮງງານຂົບຫິນເປັນຕົ້ນ ,ເຊິ່ງທີມງານລົງຕິດຕາມກວດກາຄັ້ງນີ້ມີທັງໝົດ 8 ທ່ານ ຍິງ 2 ທ່ານ.

 

       ກອງປະຊຸມໄດ້ຈັດຂຶ້ນໃນຕອນເຊົ້າຂອງວັນທີ 25 ພະຈິກ 2021 ຢູ່ທີ່ຫ້ອງປະຊຸມ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງຫຼວງນໍ້າທາ, ໃຫ້ກຽດເຂົ້າຮ່ວມເປັນປະທານໂດຍ ທ່ານ ສຸກສັນ ພົນປະດິດ ຄະນະພັກຮາກຖານ, ຮອງຫົວໜ້າ ພະແນກຊັບພະຍາກອນທໍາມະຊາດ ແລະ ສິ່ງແວດ ລ້ອມແຂວງຫຼວງນ້ຳທາ, ເປັນກຽດເຂົ້າຮ່ວມກອງປະຊຸມມີ, ຫົວໜ້າຂະແໜງ, ຮອງຫົວໜ້າຂະແໜງ ແລະ ຕະຫຼອດຮອດພະນັກງານ-ລັດຖະກອນ 3 ຄະແໜງຄື: ຫ້ອງການບໍລິຫານ ແຜນການ ແລະ ການເງິນ, ຂະແໜງ ຈັດຕັ້ງ ແລະ ພະນັກງານ ແລະ ຂະແໜງກວດເຂົ້າຮ່ວມທັງໝົດ 22 ທ່ານ, ຍິງ 12 ທ່ານ.