ໃນຕອນເຊົ້າເວລາ 8:30 ນາທີ ຂອງວັນທີ 6 ຕຸລາ ປີ 2021 ທ່ານ ສຸກສັນ ພົນປະດິດ ຮອງຫົວໜ້າພະແນກພະແນກ ຊັບພະຍາກອນທຳມະຊາດ ແລະ  ສິ່ງແວດລ້ອມ ແຂວງຫຼວງນ້ຳທາ ພ້ອມດ້ວຍຮອງຂະແໜງສິ່ງແວດລ້ອມ ແລະ ພະນັກງານວິຊາການຜູ້ປະສານງານຈຳນວນ 1 ທ່ານ ເຂົ້າຮ່ວມກອງປະຊຸມອອນລາຍ ກ່ຽວກັບ ການຜ່ານຮ່າງບົດລາຍງານ ການປະເມີນຕິດຕາມກວດກາ ຄຸນນະພາບນ້ຳ ປີ 2020  ໂດຍການເປັນປະທານ ຂອງທ່ານ ປອ ບຸນທະວີ ອັກຄະຣາດ ຫົວໜ້າ ກົມຊັບພະຍາກອນນ້ຳ ມີຕາງໜ້າ ຈາກສະຖາບັນ ຄົ້ນຄ້ວາ ແລະ ສະຖິຕິ ຊສ ເຂົ້າຮ່ວມ  ແລະ ຫົວໜ້າ ພະແນກ,  ຮອງພະແນກ, ຫົວໜ້າຂະແໜງ, ຮອງຂະແໜງ  ແລະ ຜູ້ປະສານງານ ຈາກ 18 ແຂວງ ໄດ້ປະກອບຄຳຄິດ  ຄຳເຫັນ ເປັນການປັບປຸງໃສ່ຮ່າງບົດລາຍງານ ໃຫ້ຄົບຖ້ວນ ສົມບູນ ຂື້ນກ່ວາເກົ່າ ກອງປະຊຸມໄດ້ດຳເນີນເປັນເວລາ 1 ຕອນ ແລະ ສຳເລັດລົງໃນເວລາ 12:30 ນາທີ.

 

 

 

 

 

 

               ຕອນແລງ ຂອງວັນທີ  4 ຕຸລາ 2021 ຜ່ານມານີ້ ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ ເມືອງວຽງພູຄາ ໄດ້ເປີດກອງປະຊຸມສະຫຼູບຕີລາຄາການເຄື່ອນໄຫວຈັດຕັ້ງປະຕິບັດໜ້າທີວຽກງານປະຈໍາ 9 ເດືອນ ແລະ ວາງທິດທາງແຜນການ 3 ເດືອນ ທ້າຍປີ2021 ຂອງຕົນຂື້ນ ທີຫ້ອງປະຊຸມຫ້ອງການ  ຊັບພະຍາກອນທໍາມະຊາດ ແລະ ສິ່ງແວດລ້ອມ ໂດຍການເປັນ  ປະທານຂອງ ທ່ານ ວົງແກ້ວ ອຸນທະແສງ ກໍາມະການພັກເມືອງ ຫົວໜ້າ    ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງວຽງພູຄາ, ມີບັນດາທ່ານ  ຮອງຫົວໜ້າຫ້ອງການ, ຫົວໜ້າໜ່ວຍງານ, ຮອງຫົວໜ້າໜ່ວຍງານ ແລະ ພະນັກງານວິຊາການເຂົ້າຮ່ວມຈໍານວນ 14 ທ່ານ, ຍິງ 2 ທ່ານ.


ໃນຕອນເຊົ້າ ຂອງວັນທີ 29 ກັນຍາ 2021 ຢູ່ທີ່ ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ ເມືອງສິງ ໄດ້ເປີດກອງປະຊຸມ ປະກາດການຈັດຕັ້ງຂອງຫ້ອງການ, ໃຫ້ກຽດເຂົ້າຮ່ວມເປັນປະທານໂດຍ ທ່ານ ສົມລິດ ພອນປະເສີດ, ກໍາມະການປະຈໍາພັກເມືອງ, ຮອງເຈົ້າເມືອງໆສິງ ຜູ້ຊີ້ນໍາຂົງເຂດເສດຖະກິດ, ມີຫົວໜ້າຫ້ອງການ-ຮ້ອງຫົວໜ້າຫ້ອງການ, ຫົວໜ້າໜ່ວຍງານ-ຮອງຫົວໜ້າໜ່ວຍງານ ແລະ ຕະຫຼອດຮອດ ພະນັກງານ-ລັດຖະກອນພາຍໃນຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງສິງ ເຂົ້າຮ່ວມທັງໝົດ 18 ທ່ານ, ຍິງ 5 ທ່ານ.

ກົດໃສ່ຮູບພາບ ເພື່ອເຂົ້າເບີ່ງລາຍລະອຽດ ຫຼື ດາວໂຫລດເອກະສານ

Click on the image to view details or download the file